ਤਾਜਾ ਖਬਰਾਂ
ਤਰਨ ਤਾਰਨ ਹਲਕੇ ਦੇ ਝਬਾਲ ਕਸਬੇ ਵਿੱਚ, ਜੋ ਕਿ ਸ਼੍ਰੋਮਣੀ ਅਕਾਲੀ ਦਲ ਦੇ ਪਹਿਲੇ ਪ੍ਰਧਾਨ ਸਰਮੁੱਖ ਸਿੰਘ ਝਬਾਲ ਦਾ ਨਗਰ ਹੈ, 20 ਜੁਲਾਈ ਨੂੰ ਅਕਾਲੀ ਦਲ ਵੱਲੋਂ ਇੱਕ ਵੱਡੀ ਜਿਮਨੀ ਚੋਣ ਰੈਲੀ ਦਾ ਆਯੋਜਨ ਕੀਤਾ ਜਾ ਰਿਹਾ ਹੈ। ਇਸ ਰੈਲੀ ਵਿੱਚ ਇੱਕ ਵੱਡੀ ਰਾਜਨੀਤਿਕ ਘਟਨਾ ਦੇ ਤੌਰ 'ਤੇ “ਅਜਾਦ ਗਰੁੱਪ” ਸ਼੍ਰੋਮਣੀ ਅਕਾਲੀ ਦਲ ਵਿੱਚ ਸ਼ਾਮਿਲ ਹੋਵੇਗਾ।
ਅਜਾਦ ਗਰੁੱਪ ਨੇ ਹਾਲ ਹੀ ਵਿੱਚ ਆਪਣੀ ਮੀਟਿੰਗ ਕਰਕੇ ਸਮਾਜ ਸੇਵੀ ਅਤੇ ਆਗੂ ਪ੍ਰਿੰਸੀਪਲ ਸੁਖਵਿੰਦਰ ਕੌਰ ਰੰਧਾਵਾ ਨੂੰ ਲੀਡਰ ਚੁਣਿਆ ਹੈ। ਗਰੁੱਪ ਕੋਲ 104 ਪੰਚਾਇਤਾਂ 'ਚੋਂ 43 ਮੌਜੂਦਾ ਸਰਪੰਚ, 61 ਸਾਬਕਾ ਸਰਪੰਚ, ਅਤੇ ਤਰਨ ਤਾਰਨ ਨਗਰ ਕੌਂਸਲ ਦੇ 25 ਵਿੱਚੋਂ 8 ਮੌਜੂਦਾ MCs ਹਨ। ਰੈਲੀ ਦੌਰਾਨ ਇਹਨਾਂ ਦੇ ਨਾਲ ਹੀ ਹੋਰ ਹਜਾਰਾਂ ਸਮਰਥਕ ਅਕਾਲੀ ਦਲ ਵਿੱਚ ਸ਼ਾਮਿਲ ਹੋਣ ਦਾ ਐਲਾਨ ਕਰਨਗੇ।
ਇਹ ਰੈਲੀ ਸਿਰਫ਼ ਚੋਣੀ ਤਿਆਰੀ ਨਹੀਂ, ਸਗੋਂ ਪਾਰਟੀ ਦੀ ਪੂਰਨ ਰੀ-ਮੋਬਲਾਈਜ਼ੇਸ਼ਨ ਅਤੇ ਹਲਕੇ ਵਿੱਚ ਪਹੁੰਚ ਵਧਾਉਣ ਲਈ ਇੱਕ ਰਣਨੀਤਕ ਕਦਮ ਵਜੋਂ ਵੇਖੀ ਜਾ ਰਹੀ ਹੈ।
Get all latest content delivered to your email a few times a month.
